АЦТ! одржа практично еднодневно советување на тема „Спроведување на функционална анализа како основа за изработка на акти за внатрешна организација и систематизација измени во процесот на управување со ефектот (обрасците за оценување) и други актуелни теми од законите за администрација“ на 11.09.2018 год. во семинарската сала во хотел ТЦЦ Гранд Плаза, Скопје.

На советувањето беше опфатено:  - функционалната анализа,  - оценувањето на административните службеници,  - практична вежба за пополнување на новите обрасци за оценување и - други прашања кои беа од интерес на учесници и кои се однесуваат на законите за вработени во јавниот сектор и административни службеници (вработување, унапредување, мобилност, итн.).

Предавач на советувањето беше Билјана Николовска Жагар, државен советник во Министерство за информатичко општество и администрација, чие долгогодишно искуство во областа на управување со човечки ресурси и реформа на јавната администрација имаше за цел ова советување да го стави во функција на разрешување на дилемите и предизвиците со кои се соочуваат вработените во јавниот сектор и административните службеници при имплементација на законските обврски кои беа во фокус на советувањето, што наиде на голем интерес од страна на претставниците на институциите опфатени со законите за администрација.