Во организација на АЦТ! се одржа советување на 01.02.2019 год. на тема „Од функционална анализа до нови вработувања во јавниот сектор: Примена на новата методологија за функционална анализа, планирање на вработувања, постапки за унапредување и вработување и други предизвици во имплементација на прописите за јавна администрација“

На советувањето во фокус на интерес беа:

• Нова методологија за спроведување на функционалната анализа;
• Планирање на вработувања и осврт на дилеми при спроведување на постапка за оценување на административни службеници;
• Спроведување на постапки за вработување, унапредување и испит за административно управување;
• Други прашања кои се од интерес на учесници и кои се однесуваат на законите за вработени во јавниот сектор и административни службеници (вработување, унапредување, мобилност, итн.).

Советувањето изобилуваше со практичен пристап и примери со цел учесниците да добијат стручен и квалитетен осврт на областите кои се предмет на советувањето, а предавачите чие долгогодишно искуство во областа на управување со човечки ресурси и реформа на јавната администрација имаа за цел ова советување да го стават во функција на разрешување на дилемите и предизвиците со кои се соочуваат вработените во јавниот сектор и административните службеници при имплементација на законските обврски кои се во фокус на советувањето. Предавачи на советувањето беа:

• Билјана Николовска Жагар, државен советник во Министерство за информатичко општество и администрација 
• Дарко Јаневски, правен консултант и експерт за функционална анализа и 
• Бранка Минчева Коцевска, раководител на одделение за управување човечки ресурси, Министерство за информатичко општество и администрација